Martin Sheen: alcalde de Salceda? Presidente da Xunta?
Non é Josiah Bartlet, non é Martin Sheen, é Ramón Xerardo Antón Estévez, fillo de Francisco Estévez, veciño de Salceda de Caselas. Naceu nos Estados Unidos, pero como apunta Al na bitácora Desde mi ventana podería ter votado nas pasadas eleccións municipais.
Atento Touri, alerta Quin, ollo Feijoo, velaí un presidenciábel capaz de poñerlle ghlamoure á “ala oeste” de Monte Pío. Miren que pelaso. E xa que falamos de votos e dereitos posíbeis para os netos dos emigrantes, quen non vai querer apoiar esa estampa: Charlie Sheen e Emilio Estévez, netísimos de don Francisco Estévez, votando “en urna”, sobre o futuro político de Tui, Vigo ou Parderrubias. Ou aínda que sexa, e xa que o dos Galenecos non callou, a ver pra cando unha teleserie, tipo West Wing sobre as corredoiras sancaetánicas.
Pois é! Ainda que ignoro completamente a sua tendência política…
Comment by Uz — June 19, 2007 @ 10:13 pm
Pregúntome quen serían os secundarios nesta “Ala Oeste de Monte Pío?
Comment by andaime — June 20, 2007 @ 3:39 pm
O Sheen é da corda progre do ámbito de Susan Sarandon, Sean Penn e esta xente hollywoodiense que veu participando en manifas anti guerra de Iraq e esas cousas. Os mesmos aos que para a escala dos EUA lles din “antipatriotas” “comunistas” e demais.
Comment by andaime — June 20, 2007 @ 3:47 pm