Sicko: agardando o novo de Michael Moore
Chega noticia desde Cannes da estrea de Sicko, o último filme documental de Michael Moore, onde seica se analizan as miserias do sistema sanitario estadounidense, comparándoo especialmente co cubano. Penso que Moore xa tocara o tema da sanidade nalgún momento durante o Bowling for Columbinez, cando viaxaba a Canadá. Tamén fixera algunhas mencións nalgún dos seus libros. En concreto, no Stupid White Men denunciaba que Bush reducira en case un cento por cento o programa de axuda sanitaria para persoas sen cobertura médica, ou que promovera normas para prohibir a asistencia médica a inmigrantes.
Tamén ironizaba por exemplo sobre o nomeamento que Bush fixera para o seu equipo económico do ex vicepresidente dunha multinacional farmacéutica ao que, curiosamente, lle ía tocar decidir sobre un subsidio para menciñas ao que esta multinacional se opoñía. “Hai máis posibilidades de que Bush me convide a unhas cañas de que o seu goberno aprobe esas axudas”, dicía Moore con acedo humor.
Velaquí unha brincadeira do programa TV Nation, dirixido polo propio Moore, onde se comparan os sistemas sanitarios dos EUA, Canadá e Cuba, as Olimpíadas Sanitarias:
Muito interessante este video, denunciando o sistema de saúde norte-americano.
unha aperta
Comment by Jorge G - O Sino da Aldeia — May 20, 2007 @ 2:14 am