A peaxe de Rande e o paradoxo da Barcala
Na supresión da incomprensíbel peaxe que facía obstáculo no acceso a Vigo tén moito que ver o espectacular movemento cidadá artellado na comarca do Morrazo. O dinámico e imaxinativo comportamento que durante tanto tempo mantivo a plataforma cidadá turrando pola supresión e teimando en manter na axenda ano tras ano o asunto é unha das claves necesarias para que se conquistase a desaparición das barreiras. Ao norte, na veciña comarca de autoestrada, A Coruña vía desaparecer a peaxe da Barcala sen necesidade dun colectivo similar, cunha conquista que chegaba de rebote e cun aquel de paralelismo equilibrador para coa terra onde o vazquismo, á defensiva e na busca de presuntas discriminacións á menor ocasión, convertira o coruñesismo en arma arreboladiza. Xa que logo, e máis despois da reforma de accesos á cidade, con vía de dobre sentido para a entrada desde San Pedro de Nós, penso que o sentidiño e as necesidades reais da comarca pedían que a libre circulación pola autoestrada viñese de algúns kilómetros antes que a barreira d’A Barcala.
Engádote ás miñas ligazóns. Saúdos rabudos.
Comment by rabudo — May 24, 2006 @ 8:47 pm
señor rabudo, queda vostede fichado no andaime
Comment by noguerol — May 25, 2006 @ 6:25 pm