O mellor Carrabouxo do ano
“Vota Carrabuxo!”. Está aberta en La Región unha impagábel galería con rexistro dos varios centos de carrabouxos dos últimos catro anos. Pra non perdere. Por certo, cumpría comentar tamén que por terras de don Liborio foi noticia estes días a cautela coa que o patrón recibiu o episodio xudicial en que andan enleados subalternos do veciño barón das gafas escuras. Se o “non sorprendeu a ninguén” e a forte “percepción social” do asunto da corrupción son definición habitual estes días pola parte luguesa veremos o que nos trae no futuro o triste paralelismo das dúas provincias.
Por certo, as casualidades é o que teñen, coincidían os episodios xudiciais lugueses co traslado unhas horas despois dun camioneto cheo de papeis do departamento de Vías e Obras… da deputación de Ourense. Seica a causa de obras de reforma no tal departamento. A foto en La Voz.
