Fraga: memorias
“Y por último, mencionar el desarrollo de un Plan Director del Golf de Galicia”. Velaí, literal, o último apunte de don Manuel no capítulo que pecha as súas recentes memorias, xusto antes do post-scriptum. O que nos chegaba como anuncio de reflexións centradas na súa acción de goberno durante os últimos dezaseis anos lembra moito en realidade a eses documentos que o PPdeG veu manexando no márketing da última carreira electoral facendo resumo deses anos. Logo de reconto de pavillóns polideportivos e ambulatorios, Fraga remata balanzo coa mención aos campos de golf con 18 buracos.
